連續幾個星期跟網友聚會，都是財富聚會，幾好玩喎~~
睇樓活動（上上星期六）...跟富爸爸、富仔仔、Simon 及呀太，到港島西睇樓，走遍西營盤、石塘咀及堅尼地城三大區，由下午兩點行到夜晚七點，連一向甚少留意的疑似豪宅屋苑泓都都睇埋，仲辛苦過行山，不過呢...發掘投資機會係咁架啦，唔辛苦點得世間財丫。由於今次只是初步試探，俗稱運吉，所以沒有大搞，跟去年成廿人的荃灣睇樓團，氣氛心態都差得遠囉！
遊戲卡試玩活動（上星期二）...創業程式員 Enoch 設計了一套遊戲卡，幾位網友親身試玩，雖然還沒有完全想得透徹，不過都有商機架！
下次玩乜？Dozy 與富爸爸計劃於過年後舉辦一次分享會...
創業點子分享會（# 1）
日期：暫定 2009 年 2 月 6 日（星期五）
時間：待定（晚飯聚會）
地點：待定
這是一個充滿正能量的聚會！
正如最初成立香港青年創業家協會的時候所說...我們的目標是實踐！
（一）你有創業點子想分享、想實踐、想邀請其他朋友參與嗎？
（二）你想聽聽其他人的創業點子，分享心得之餘，看看有沒有機會參與嗎？
（三）你想認識一些充滿創業 DNA、充滿正能量的朋友嗎？
無論你是（一）、（二）、（三），都歡迎你參加，跟朋友一起來亦可以！
如有興趣請留言，亦可以在富爸爸、香港青年創業家協會的 Blog 留言，
如果你有點子想分享，請預先告知，讓我們可以安排一下，
同時亦歡迎加入協會的 Facebook 群組，互通訊息。
至於 Dozy 及富爸爸，當然已經準備好絕世好橋要跟各位分享~~
忽然隨筆...
今晚聽新聞報導，上季的失業率由 3.8% 急升至 4.1%，政府口口聲聲話要推動十大基建盡快上馬，創造就業機會。講真...十大基建~~傾得嚟都天光啦！等得你動工，都餓死咗啦！別說其他地方，就是港島西的地鐵工程，說了好幾年，還未動過一吋土！況且即使基建上馬，有多少香港人可以受惠？最少我就想不到啟德興建郵輪碼頭，到底關我乜事啦~~
所以...還是靠自己罷了~~創業都係一個好選擇~~（閃）
